لاہور — پنجاب اسکول ایجوکیشن ڈیپارٹمنٹ نے خواتین اساتذہ کی سفری مشکلات کے حل کے لیے مفت ای بائیک اسکیم کا باضابطہ آغاز کر دیا ہے۔ اس اسکیم کے تحت امیدواروں کا انتخاب شفاف اور میرٹ پر مبنی پوائنٹس سسٹم کے ذریعے کیا جائے گا، تاکہ سہولت مستحق اور حقیقی ضرورت مند خواتین تک پہنچ سکے۔
اہلیت کے پوائنٹس سسٹم کی تفصیلات
اسکیم میں امیدواروں کو چھ مختلف زمروں میں پوائنٹس دیے جائیں گے:
۱۔ فاصلہ (Distance from Home to School)
- گھر سے اسکول تک ہر کلومیٹر پر ۲ پوائنٹس
- زیادہ سے زیادہ ۲۰ پوائنٹس
۲۔ سماجی حیثیت (Social Status)
- بیوہ، طلاق یافتہ یا خود کفیل خواتین: ۲۰ پوائنٹس
- شوہر بیرونِ ملک کام کرنے والے: ۱۵ پوائنٹس
- شوہر دوسرے شہروں میں ملازمت کرنے والے: ۱۰ پوائنٹس
۳۔ تعیناتی کا مقام (Posting Location)
- بارڈر یا دور دراز علاقے: ۲۰ پوائنٹس
- دیہی علاقے: ۱۵ پوائنٹس
- شہری علاقے: ۱۰ پوائنٹس
۴۔ ڈرائیونگ مہارت (Driving Skills)
- ڈرائیونگ لائسنس ہولڈر: ۱۰ پوائنٹس
- لرنر پرمٹ ہولڈر: ۵ پوائنٹس
۵۔ سینارٹی (Seniority)
- سروس کے ہر سال پر ۲ پوائنٹس
- زیادہ سے زیادہ ۲۰ پوائنٹس
۶۔ تعلیمی قابلیت (Qualification)
- پی ایچ ڈی: ۱۰ پوائنٹس
- ایم فل / ایم ایس: ۸ پوائنٹس
- ایم اے / ایم ایس سی / بی ایس: ۵ پوائنٹس
ترجیح کا اصول
اگر دو امیدواروں کے پوائنٹس برابر ہوں، تو عمر میں بڑی امیدوار کو ترجیح دی جائے گی۔
اس اسکیم کی اہمیت
یہ اسکیم خواتین اساتذہ کے لیے نہ صرف سفری سہولت فراہم کرے گی بلکہ ان کے وقت اور اخراجات میں بھی نمایاں کمی لائے گی، جس سے تدریسی معیار میں بہتری متوقع ہے۔
نوٹ:
استعمال کی گئی تصاویر اے آئی (AI) پر مبنی ہے اور صرف حوالہ جاتی مقصد کے لیے شامل کی گئی ہے۔
